GRYNAEUS Simon

GRYNAEUS Simon

Veringensis, Theologus clarissimus. Primo Austriae, dein Budae in Pannonia docuit, ubi, ob Evangelii amorem, a Monachis accusatus, carcerem subiit. Inde nobilitatis Hungaricae intercessione liberatus, Wittembergam, ut cum Luthero et Melanchthone olim condiscipulo ibi de negotio Religionis conferret, abiit. Post ad Graecas literas docendas a Ludovico Elect. Palat. Heidelbergam vocatus est: inde Spiram excurrens, A. C. 1529. ut Melanchthonem, qui illuc ad conventum Spirensem, cum Ioh. Saxon. Duce venerat, salutaret, colloquium cum Fabro Ep. Viennensi habuit: quo finito cum domum se recepisset, vixqueve mensae adsideret, a venerando Sene e conclavievocatus, et de lictoribus, Fabri impulsu, mox adfuturis, admonitus, feliciter cvasit. Eodem anno, annitente Oecolampadio, Basileam vocatus, Graece inAcadem. docuit, non omisla sacrarum rerum professione, quam in Epistolae ad Rom. enucleatione commendavit. Britannicarum dein bibliothecarum amore, eo pertractus A. C. 1533. Erasminomine, obtulit Carolo Montiolo Titi Livii volumen, quinque libris integris, quos Grynaeus in Bibl. monasterii Laurislenii reperit, auctius. Redux A. C. 1534. Tubingam vocatus, Scholam et Ecclesiam eius loci reformavit. Basileam biennio post reversus, adfuit Erasmo morienti: ad sollenne dein colloquium Wormatiense proficiscentibus Melanchthoni, Capitoni, Bucero, Calvino, aliis συνεργὸς additus est. Peste sublatus Obiit ibi A. C. 1541. Fuit hic vir Latine et Graece excellenter doctus, in Philo sophia et disciplinis Mathematicis deligenter ver satus, nullo supercilio, pudore pene immodico et provehendis liber alibus studiis natus, Erasmi cui amicissimus erat, testimonio.